Cytundeb Fframwaith CymruSOC 2.0 CymruSOC 2.0 Framework Agreement

Bydd CymruSOC 2.0 yn darparu fframwaith SOC a reolir cenedlaethol sy'n cynnwys gwasanaeth SOC craidd a reolir a Gwasanaethau Ychwanegol a archebir ar wahân. Rhaid i'r gwasanaeth gynnal parhad canlyniadau gofynnol CymruSOC 1.0, gan gefnogi gwelliant rheoledig, cyfranogiad ehangach ac amgylcheddau technegol amrywiol y Cyfranogwyr.
Rhaid i'r gwasanaeth barhau i fod yn annibynnol ar unrhyw SIEM penodol a rhaid iddo gefnogi trefniadau SIEM ac offer diogelwch eraill sydd naill ai'n eiddo i Gyfranogwyr neu'n drefniadau amgen a gymeradwywyd, lle gellir cyflawni'r canlyniadau gofynnol o ran diogelwch, monitro, rhannu gwybodaeth, rhyngweithrededd a sicrwydd.
Mae rhagor o wybodaeth fanwl ar gael yn y Datganiad o'r Gofynion, a ddarperir fel atodiad yng Ngham 1 ar eDendroCymru.
Mae hwn yn gaffaeliad cydweithredol sy'n cael ei gynnal gan Gyngor Bwrdeistref Sirol Merthyr Tudful (yr Awdurdod Contractio) mewn partneriaeth â Llywodraeth Cymru, a bydd yn ceisio sefydlu Cytundeb Fframwaith un lot gydag un cyflenwr er mwyn galluogi awdurdodau sy'n cymryd rhan i alw i lawr a chreu contractau ar gyfer y gwasanaethau sydd eu hangen arnynt.
Bydd yn ofynnol i'r tendrwr llwyddiannus ymrwymo i Gytundeb Fframwaith gyda'r Awdurdod Contractio ac, wedi hynny, ymrwymo i gontractau unigol gan ddefnyddio templed contract galw i lawr gydag awdurdodau sy'n cymryd rhan drwy'r weithdrefn galw i lawr.
Er budd tryloywder ac er mwyn rhoi gwybod i ddarpar dendrwyr cyn gynted â phosibl, mae'r contractwr presennol wedi nodi y bydd TUPE yn berthnasol i'r caffaeliad hwn. Yn unol â'r rheoliadau, rhaid i'r contractwr presennol a'r contractwr newydd a ddyfernir i'r Fframwaith o ganlyniad i'r caffaeliad hwn gydymffurfio â rheoliadau TUPE lle maent yn berthnasol.
Bydd gwybodaeth TUPE yn cael ei darparu i dendrwyr ar y rhestr fer yng Ngham 3.
CymruSOC 2.0 will provide a national managed SOC framework comprising a Core managed SOC service and separately ordered Plus Services. The service must preserve continuity of...