Gwasanaeth galw fewn a'r gyfer pobl ifanc (16-24) yn Wynedd / Drop in Service for young people (16-24 years) in Gwynedd

Mae Cyngor Gwynedd yn bwriadu caffael Gwasanaeth Galw Mewn i Bobl Ifanc ledled y sir ar gyfer unigolion 16-24 oed sy'n ddigartref, mewn perygl o ddigartrefedd, neu sy'n gwynebu anawsterau sy'n ymwneud â thai.
Bydd y gwasanaeth yn cael ei ariannu drwy'r Grant Cymorth Tai ac yn darparu cymorth hygyrch, hyblyg ac ymyrraeth gynnar gyda'r nod o atal digartrefedd, hyrwyddo sefydlogrwydd tai a gwella llesiant. Disgwylir i'r darparwr llwyddiannus gyflwyno cyfuniad o gymorth wyneb yn wyneb a chymorth digidol ar draws Gwynedd, gan sicrhau mynediad teg i bobl ifanc sy'n byw mewn cymunedau trefol a gwledig.
Bydd y gwasanaeth yn gweithredu fel darpariaeth galw mewn mynediad agored, gan gynnig cyngor sy'n ymwneud â thai, cymorth ymarferol, arweiniad a chyfeirio at wasanaethau ehangach. Bydd gofyn i ddarparwyr ddangos profiad o weithio gyda phobl ifanc fregus a'r gallu i ddarparu gwasanaeth sy'n ystyriol o drawma ac yn seiliedig ar egwyddorion Amgylchedd Seicolegol Gwybodus (PIE).
Disgwylir i'r contract gychwyn ar 1af o Rhagfyr 2026 am gyfnod cychwynnol o dair blynedd, gyda'r opsiwn i'w ymestyn, yn amodol ar berfformiad, adolygiad gwasanaeth ac argaeledd cyllid.
Bydd gofyn i dendrwyr ddangos ychwanegedd clir, gwerth am arian, a threfniadau cadarn i sicrhau nad oes unrhyw ddyblygu cyllid nac unrhyw ddyblygu darpariaeth.
Er mwyn cefnogi darparwyr sydd â diddordeb mewn gwneud cais, byddwn yn cynnal sesiwn rithiol "Procurement Ready" fel a ganlyn:
Dyddiad: 08 Gorffennaf 2026
Amser: 9:30am – 11:00am
Lleoliad: Rhithiol (Microsoft Teams)
Bydd y sesiwn yn cael ei hwyluso gan Ymgynghorydd Caffael ac aelod o Uned Gomisiynu Cyngor Gwynedd. Bwriad y sesiwn yw darparu:
• Trosolwg byr o ddeddfwriaeth a phrosesau caffael;
• Cyflwyniad i'r broses dendro;
• Canllaw syml drwy'r pecyn tendro a'r dogfennau cysylltiedig;
• Cyfle i ofyn cwestiynau cyffredinol am y broses.
Noder nad yw mynychu'r sesiwn hon yn ofyniad nac yn rhan o'r broses dendro ffurfiol. Mae'r sesiwn yn cael ei chynnig fel ymarfer da...